5月17 阿仙奴 對 巴塞

阿仙奴係有驚無險之下歷史性首次進入歐冠決賽，雲格終於守得雲開見月明，唔知另邊廂，韋拉有咩感受..

雖然維拉利爾黯然出局，但係對球迷總算有個交待。維拉利爾佔著整場球賽大部份攻勢，但係始終望門輕嘆。雖然係補時階段搏得一個問題12碼，可惜走足全場既列基美對著上左身既列文，或者怯左列文加埋巨大既壓力，12碼輕易被列文救到，列基美唯有今夏係世界盃報呢個仇啦。

另一場準決賽，巴塞亦係有驚無險下進級。雖然巴塞佔左大部份攻勢，但係始終未能轉化為入球。而AC憑住舒夫真高先開記錄，不過被球証吹罰左，所以入球無效。最終亦以0-0賽和。