現在NOW有on-demand service，要重看球賽就非常方便。早兩日重看了車仔鬥巴塞，雖然已經知道賽果，但仍看得津津有味。
First round 剛剛完結，最大的冷門應該是金州擊倒小馬，而且小馬實際亦是沒有招架之力。單看第六場賽事，果真是慘不忍睹。
另一邊廂，t-mac繼續被受咀咒，仍然過不了第一圈，也提他難過。這個series看了game 5跟game 7，明顯地猶他實力比較平均。面對猶他嚴密防守，yao看上去有點力不從心，無論進攻防守腳步都是出奇的慢，不知道是體力不繼，還是傷患困擾？火箭要再上一層，今年暑假一定要物色一個較強的四號位。
東岸方面，沒有什麼驚喜，熱火迅速出局，亦是合理。不過修訂之前所講，看上去，東岸活塞還是有力問鼎今年總冠軍。
轉眼今年nba又進入季後賽階段，喜歡的太陽跟火箭都能順利進入，尚算欣慰。
由於改變了賽制，分區首名不一定是東西岸頭三種籽，火箭仲終於可以避戰小馬、馬刺，而今年對手是西北區首名爵士，大有機會突破往年成績，打到第二圈。除了對手問題，最影響火箭成績一定是t-mac跟yao的狀態。回看剛打完的第一場賽事，以現在狀況，火箭晉級下一圈應該沒有問題，但到下一圈跟小馬對決，勝算則應該沒有。
至於太陽對湖人，個人認為是第一圈最有睇頭的series。還記得上年，湖人在領先3-2(還是3-1)的情況下被太陽反先踢出局。今年太陽應該不會這麼輕敵，而kobe亦比上年更加爐火純青，要打敗湖人也不是一件易事。不過估計最終還是太陽會勝出這個series。
今年總冠軍還是小馬、馬刺和太陽三隊之爭，東岸球隊今年不能再偷雞了。
經過上週第二輪十六強賽事，歐冠八強已經產生。不過，在我來說，今年歐冠算是告一段落。沒有巴塞、沒有阿仙奴，於我也沒有什麼吸引力。
巴塞和阿仙奴出局其實不太意外，兩隊今年長期受到傷兵困擾，而賽事仍然接踵而來。單看阿仙奴，過去幾週，聯賽、聯賽盃、足總盃再加上歐冠盃，每星期起碼兩場賽事，地獄賽程，九死一生。最終，所有盃賽亦提早下馬。今年剩下的目標，就是保住聯賽第三位，照計也沒什麼難度。希望雲加收拾心情，下年捲土重來。
至於失去了伊圖的巴塞，實在欠缺霸氣，特別是埋門一腳質素。重來要禪聯歐冠都是不可能，提早出局興許有所得著，可以專心於聯賽。相比阿仙奴，巴塞還有望做個雙冠王。
近排金塊真係多事發生，前兩日繼Carmelo揮拳打人被停15場之後，今日就宣佈AI會轉會到金塊。Andre Miller加Joe Smith 再加兩個 07年first round pick 去trade AI。
最初仲以為AI會被轉到木狼，可以同KG一齊打天下，可惜好夢成泡影(兩個都係有才華有波膽)。睇個交易名單，我估係費城想要既人木狼個庶搵唔到，滿足唔到費城要求，所以個deal泡湯。基本上個deal對丹佛無咩好處，唔明白點解要滲一腳。先講費城，無左AI既費城真係無野好睇，不過可能球會高層要開始著手重整費城，始終單靠AI都唔係長久辨法，加上AI傷痕累累，年過30，實在都唔擺得太耐。
至於金塊，擁有兩部聯盟得分機械，係咪就保証每場60分進賬？好明顯兩頭蛇係搞唔掂啦，仲要trade走Andre Miller，實在唔明佢老闆諗乜。依家剩返Boykins一個point guard，唯有睇下George Karl有咩辨法。
世錦藍球準決賽，希臘以101-95擊敗美國夢幻隊，以後不用再叫夢幻隊了!
經過兩年前奧運敗仗，美國隊已知恥近乎勇，也希望拿下世錦賽冠軍打頭炮。明顯今次賽事球員態度比奧運時集中得多，可惜各國藍球水平逐漸提升，要拿下他們殊不簡單。再看夢七世錦賽隊員，除了三位隊長再加一個Elton Brand可算一線球員，其他隊員也只不過算是普通的NBA球員。除此之外，隊中缺乏高大的球員亦是另一致命傷。Elton Brand竟要擔任正中鋒!!若今仗面對的是西班牙，這方面問題更易被突顯。
雖說世錦賽只是奧運前熱身，但球員用心去比賽，卻吃了敗仗，向美國隊打响警號。同樣一個隊員陣容是贏不了08年奧運，再加一個Kobe Byrant亦解決不到問題，不知K教練怎麼打算..??贏了阿根廷再算罷!
世界盃終於曲人散，每次都是捧邊隊就邊隊輸，今次都唔例外。綜觀整場球賽，可觀性頗高，開賽七分鐘法國隊即便摶得十二碼，施丹在有驚無險之下將球送進網，仲以為法國可以守到最後，不過轉眼就被意大利追平，真係無癮。
賽事追和後，雙方互有攻守，保持膠著狀態。到了下半場初段，韋拉傷出，我開始提法國隊擔心，肯好情況沒大改變，而且法國尚能製迼三數個破門機會，可惜意大利防線真係滴水不漏，過得加度素，又要過簡拿華路，仲要過埋保方，難度真係極高。打單箭頭的享利就相當可憐，不知是否觸舊患，教練見狀亦將享利換出。
進入加時下半場，體力所限，雙方都沒什麼大突破。缺乏韋拉、享利支援，施丹可能對贏波沒太大其望，突然情緒失控，用頭頂向馬逹拉斯，一代球王以一個有趣頭鎚劃上句號，真不失球王風範!公布了世界盃的金球奬得主為施丹，不過對他來說意義應該不大。
很想知道馬達拉斯跟施丹說了什麼..
捱了兩個夜晚，看了四場八強賽事。除了烏克蘭，其餘七強都算一流球隊，所以賽果和意科的相去不遠。頭場八強揭幕戰由東道主德國對決南美雙雄之一阿根廷，個人認為阿根廷技術稍勝一稠，可惜領隊比格文錯誤調動令阿國失去主動權，眼巴巴看著德國進入四強。雖然不值阿根廷落敗，但係德國12碼的的確確技高一籌，輸了都沒辨法。
對意大利同英格蘭賽事一早就沒有寄望，肯定都是悶戰一場。面對著烏克蘭的意大利由幸運之神再度眷顧，以3球淨勝對手。英格蘭面對缺乏廸高的葡萄牙然而沒有什麼優勢，攻勢乏善足陳，最後打少一人並敗在12碼之下，其實都沒有什麼可惜。
最後一場賽事由巴西對法國，第一次看見巴西被人強攻而沒有還擊之力。賽事由新舊兩代球王串演，施丹對朗拿度、享利對細哨，法國兩位新舊球王明顯壓倒了巴西。看著施丹玩弄著巴西球員，憑一己之力控制著整條中場線，瀟灑地賣弄腳法，組織攻勢，終於明白到球王同球員的分別。
錯過了德國對瑞典首十五分鐘，真係好可惜。原本諗住瑞典同可以有得打下，估唔到竟然係如此強弱懸殊，瑞典球迷當真慘不忍睹。究竟係德國係唔係真係咁利害呢??下場對阿根延自有分曉。當然希望阿根延可以win!!由於阿國賽事經常都係零晨三點先開波，所以到依家都未有機會睇過阿根延比賽，不過睇精華報導，阿國賽事有一定水準，每場都有相當睇場，始終南美有返咁上下，比英格蘭好得多。
尋晚場英格蘭，貫徹始終，悶戰一場。究竟係球員問題，定係艾力臣戰術問題，實在整場波無乜一個攻勢，不知所謂。好彩仲有死球戰術...
鍾愛既荷蘭終於出局，場比賽創了今屆世界盃最多黃、紅牌紀錄，究竟係球員問題，定係球証問題?? 最開心應該係英格蘭啦，下場八強戰沒有孖高，可以坐定粒6。但願英格蘭踢到pk戰輸比葡萄牙!!
世界盃終於開鑼，尋晚睇左揭幕戰德國對哥斯達黎加，對於大熱門之一德國印象感覺一般，或者波歷克缺陣既關係。
講返場揭幕戰，哥斯達黎加真係弱到不撼，觀乎整場球場只能捱打，不過仍然可以係德國身上取得兩球，起碼算是有交代。哥隊簡單幾國埋門就取得入球，德國既防守真係屎到爆，列文都欲哭無淚。感覺上哥隊每一個進攻好似好大既威脅，真係提德國擔心。德國在進攻方面雖然整場都佔著控球權，不過組織能力欠奉，兩邊翼鋒出波能力麻麻，好少能夠利用到高路斯既頭球優勢。或者下場有波歷克坐陣下，德國隊會打得生一點。
今晚9點英格蘭對巴拉圭，估計英格蘭可以順利打響頭炮。
近來除左世界盃成為左眾人話題之外，自己亦有留意網球運動，近排有法國網球公開賽。雖然自己無參與呢項運動，但係就非常佩服網球員既體力，一場相當水平既男網比賽可以打成5粒鐘，真係好恐怖。
不過吸引我注意並非男網運動員，基本上費達拿同拿度都己經超班，所以看頭不大，除非在法網賽對決。反而女子網球更加吸引我，隨左睇舒拉寶寶呢d靚女之外，佢地個水平比較接近，而且好多級數差唔多既球員。除左靚女之外，個人都好欣賞比利時克莉絲特斯，個名比較kick口。今年初克莉絲特斯黎過香港打比賽，咪睇佢咁既身型，實際上佢好鬼靈活。黎緊準決賽將會對佢比利時同胞希連，都算係決賽前哨戰，應有相當睇頭。
巴塞對阿仙奴今晚挨眼訓都要睇，不過估計今仗兩隊開都會踢落保守，除非有隊可以打開缺口。巴塞今仗當然睇高一線，而且阿仙奴既得英超第四，獲得下皆歐冠資格，對戰心態可能稍為放鬆。
今仗焦點
1.歐陸進攻足球
2.享利對細哨
3.費比加斯挑戰巴塞師兄
今日太陽返回主場，迎戰湖人。背水一戰情況下，輕鬆勝出。剛剛拎左MIP既法國center Boris Diaw(得6"8)今使表現可人。下場作客湖人，希望太陽可以大步攬過。講番game4，全靠kobe向第四節臨尾跳射得手，追成平手進入加時，再加上補時階段一記buzzer beater打敗反超前太陽，佢真係有料到!!
今年playoff最早進入第二圈賽事有小馬(4-0勝灰熊)同埋快艇(4-1勝金塊)。令人意外快艇可以咁快就ko金塊，而灰熊則創下3季12場playoff game連敗。
今季既米杜士堡真係可以用神奇去形容佢地既表現，係尋晚歐協盃賽事又話俾各位知波係圓既...
第一回合，米堡作客輸比布加勒斯特星隊一粒，尋晚返到河畔球場，再比第二回合。開波廿零分鐘竟然被客隊連下兩城，領先總比數3-0。唔知係咪河畔球場有咩特別既魔法，令到主場既米堡竟然可以連追四球，或者有什麼辨法令客隊輸咁多粒。最終米堡重演8強淘汰巴素利既魔法，連追四球，以4-3 win左星隊昂然進入歐協盃決賽。
總括下今季米堡既神奇表現
10/09/05 主場 win 阿仙奴 2:1
25/09/05 主場 lost 新特蘭 0:2
29/10/05 主場大勝 曼聯 4:1
14/01/06 作客 big lost 阿仙奴 0:7(神奇孚!?)
04/02/06 作客 lost 維拉 0:4
11/02/06 主場淨勝 車仔 3粒
06/04/06 主場 win 巴素利 4:1 (連追4粒)
06/04/06 主場 win 比布加勒斯特星隊 4:1 (連追4粒)
所以奉勸各位千祈唔好賭波，要賭都唔好買米堡既賽事，輸死你。
明天香港時間19:30 曼聯繼續追車，車仔主場迎戰曼聯，正!!
阿仙奴係有驚無險之下歷史性首次進入歐冠決賽，雲格終於守得雲開見月明，唔知另邊廂，韋拉有咩感受..
雖然維拉利爾黯然出局，但係對球迷總算有個交待。維拉利爾佔著整場球賽大部份攻勢，但係始終望門輕嘆。雖然係補時階段搏得一個問題12碼，可惜走足全場既列基美對著上左身既列文，或者怯左列文加埋巨大既壓力，12碼輕易被列文救到，列基美唯有今夏係世界盃報呢個仇啦。
另一場準決賽，巴塞亦係有驚無險下進級。雖然巴塞佔左大部份攻勢，但係始終未能轉化為入球。而AC憑住舒夫真高先開記錄，不過被球証吹罰左，所以入球無效。最終亦以0-0賽和。
凌晨3點先開波，想睇都無得睇啦，住香港要睇歐洲足球真係無運行。講返場波，我當然希望阿仙奴可以出線，雖然帶著一個入球去到維記主場，但係都無乜甜頭可言。事關阿記近排征戰頻頻，剛在週未賽和同巿死敵熱刺，以阿仙奴咁既人腳，真係睇見都"登"佢地辛苦。另邊廂，維拉利爾全隊將焦點放向歐冠身上，週末聯賽對皇蘇已經收埋大部份主力備戰球會係歐洲賽至關重要一仗，主隊士氣狀態都一流，要追返上仗失地，問題不大。照睇今場賽事應該精彩絕綸，可惜，太晏開波!!
今仗阿仙奴食粥食飯都要睇費比加斯...
nba季後賽今日開鑼，馬刺今年都係大熱門，看看今日大勝帝王三十幾分，真係好利害。當然我就梗係支持最愛既太陽，不過無左stoudamire都幾難搞，但係要win湖人應該問題不大。
尋晚利物浦又殺敗車仔進入足總盃決賽，冠軍在望。
文章
所有留言
