大西北計劃 續

終於得閒繼續寫落去，上回講到 ... 人各有志 ... 。

呢d哲學問題唔好係度討論咁多，講返小弟個plan，其實只係希望下年四、五月作一次長旅行，目的地係祖國西南部，大概路線 廣西>貴州>雲南>四川>青海>西藏>尼泊爾>西藏

估計用 4-6個月，筆直幾皮野，諗起都開心死。小弟上次遊絲路，四十日都係用左8000大洋，今次呢個計劃可以花費豪少少，起碼做左幾年野，唔好咁虐待自己。其實小弟已經一早醞釀呢個計劃，當年遊完絲路之後，自己同自己講過，如果儲夠錢，一定要去西藏遊一轉，向布達拉宮留低d 腳毛。雖然過左幾年，但係呢個計劃一路都向我腦海計劃住，如果出年再唔去，將來恐怕未必再有咁既機會。

之前睇蘋果左丁山佢話有個賓加咁講過，人生可以分3個階段，假設每個人有80歲命仔，咁每個階段就有27年。第一個階段係學習期，第二個階段就係搵錢期，最後階段就係嘆世界啦(假設你向第二個階段努力搵夠錢)。小第岩岩過左第一階段，正好利用黎緊既大西北計劃好好反思下。做得攰，當然要停地抖抖，日日咁辛苦都唔知為乜。真係好羨慕隔離網站個薯伯伯。

如果你對本計劃有興趣，可以大家吹吹水、研究研究。