清明時節雨紛紛

今日無落雨，但係就熱到飛起，証明夏天又到了。清明節應該去探下阿添，不過將軍澳山頭封左路，如果要行上去都幾惡攪，其實可唔可以封路整係比接駁巴士行走呢，有關方面真係諗諗佢!!

早上沒事幹，睇麥兜波蘿油王子，睇完都唔知佢講乜，不過好好笑。唔駛返工既日子，無咩特別野做，去左田園書局買左兩本書睇。今日田園都有好多人，不過個度實太細，唔可以打攓太耐。如果香港都有好似台灣誠品呢類書局咁就實在太好啦，起碼可以多過地方消磨時間。