重返校園

呢排花左好多時間搭巴士返工，由於係巴士上通常都訓唔著既關係，有d時間諗下自己將來既路。

續前文，講返IT人既仕途。係香港一般黎講，到左30零歲做返個項目經理，或者IT經理，人工大概可以到30-50K罷，都算不錯。不過可以繼續上位既機會就無乜，除非你向SOFTWARE HOUSE做，但係承前文，係香港實在沒有太多SOFTWARE HOUSE，況且香港都無可能用幾皮野去養一個技術人。所以我都要未雨綢謬，考慮讀返另外一個學位，應該同FINANCE有關。如果有得比我揀，我會選擇去讀地理，不過搵唔到錢，呢個世界就係咁現實。

睇返呢兩日新聞，新地譬價減荃灣爵悅庭20%都要成3000-4000銀一呎。假設一個700呎單位，4000銀一呎要成280萬。香港d樓仲要係用建築面積，700呎樓得500零呎，都要200幾萬，其實做香港人都幾辛苦，但係又有咁多人買得起!!

據朋友講用建築面積作銷售呢條橋係李實發度出黎，唔知佢有無吹水..