婚姻關係

十月應該係好日子，愛在深秋，有人結婚，不過亦有人離婚。忽然有感而發，覺得要維持一段婚姻實在唔容易。

雖然時下離婚好普遍，但結婚仍然係人生中最重大既決定。選擇另一半同您一齊生活，唔係話一兩年貨仔，而係你既下半世，亦都係對對方一個承諾，行動前當然要深思!向個一刻你可能好鍾意好鍾意佢，但係三年、五年後又點呢?當然無可能keep住個種感覺，雙方就應該去適應，係生活中搵情趣。感情經時間可以掉淡，亦可以培養加深，只係睇你有無心去做。

上一代人婚姻比較長久，可能係以前生活比較艱苦，一齊經歷過，捱過苦。依家呢一代人最苦都係一齊負資產，都唔算咩苦。