let's rock

起碼有兩年無拎起過支結他!

至從幾年前比文仔昆左買支結他後，都keep住玩左幾年，大概有四年罷。曾經嘗試的起心肝，練好去showoff下。於是跟師父玩左年幾，雖然都係麻麻地，但進步相對較快。不過兩年前，轉左份工，忙過一排，咁就放低左..

前幾日同事吹水時講開結他，心中忽然燃起一股火上黎，好想拎起支結他jam返首歌。放工即刻飛去琴行買左pack結他線，返屋企換左線就亂掃一陣。原本d技術都好屎，無玩咁耐，咩都忙記哂，屎上加屎。不過我相信所有藝術都可以經時間培養，雖然依家再起步係遲左少少，但有心唔怕遲而且拎起結他時好好feel呢!

希望以後每個禮拜會有幾日拎起支結他。