answer goes to denver

近排金塊真係多事發生，前兩日繼Carmelo揮拳打人被停15場之後，今日就宣佈AI會轉會到金塊。Andre Miller加Joe Smith 再加兩個 07年first round pick 去trade AI。

最初仲以為AI會被轉到木狼，可以同KG一齊打天下，可惜好夢成泡影(兩個都係有才華有波膽)。睇個交易名單，我估係費城想要既人木狼個庶搵唔到，滿足唔到費城要求，所以個deal泡湯。基本上個deal對丹佛無咩好處，唔明白點解要滲一腳。先講費城，無左AI既費城真係無野好睇，不過可能球會高層要開始著手重整費城，始終單靠AI都唔係長久辨法，加上AI傷痕累累，年過30，實在都唔擺得太耐。

至於金塊，擁有兩部聯盟得分機械，係咪就保証每場60分進賬？好明顯兩頭蛇係搞唔掂啦，仲要trade走Andre Miller，實在唔明佢老闆諗乜。依家剩返Boykins一個point guard，唯有睇下George Karl有咩辨法。