聖誕禮物(下)

照原定計劃應該約佢出街，睇戲食飯，向充滿聖誕節日氣候下親手送上份禮物。但世事又豈能盡如人意！出街睇戲食飯其實都係好普通既社交活動，不過一而再咁被拒絕，雖然抱著打不死精神，但都覺得心灰。

點都好，禮物已經買左，無論如何都要送上。退而求其次惟有執行ｂ計劃，直接到佢屋企樓下送比佢，有啲戇居，不過無辦法。據我估計，佢今晚晚上應該係屋企無所事事，發了個短訊話佢知有份聖誕禮物想送比佢，約半個鐘後到佢樓下。但世事又豈能盡如人意！收到reply佢話佢唔向屋企，ｂ計劃又泡湯！雖然我非常質疑呢個短訊既可信性，但我都好有禮貌咁問佢幾時返屋企，佢既reply都係啲打擊士氣既說話。惟有用ｃ計劃，擺低份禮物向佢樓下看更到，希望佢會去拎！

俗話說好事多磨，我起初都贊成，不過現在呢刻我開始有啲動搖。感情既事無得勉強，應該要考慮下放手．．